Maharashtra Day 12 May 2017

MMK Picnic 2017

Marathi Bhasha Divas 2017

Bhasha Din 2017

क्रिकेट प्रीमियर लीग 2017

News

सह्याद्रीच्या सानिध्यात वाढताना आपोआप उंच आकाशाकडे पहायची सवय लागून जाते .... आदरणीय कलाम सर, तुम्ही सुद्धा तसेच ... प्रेरणास्थान ... उत्तुंग स्वप्न पाहायला शिकवणारे ... भावपूर्ण श्रद्धांजली ..

अब्दुल कलाम यांचा जन्म तामिळनाडूतील रामेश्वरम येथे १५ ऑगस्ट १९३१ रोजीएका नावाड्याच्या कुटुंबात झाला. घरच्या गरिबीमुळं सुरुवातीपासूनच कलामांनासंघर्ष करावा लागला. शिक्षण सुरू असतानाच घरखर्चाला हातभार म्हणून पेपरटाकण्याचं काम करावं लागलं. या संघर्षातून कलामांची जडणघडण होत गेली.बुद्धीनं तल्लख आणि कष्टाळू असलेल्या कलाम यांनी हार न मानता शैक्षणिकजीवनातले एकेक टप्पे यशस्वीरित्या पार केले. भौतिकशास्त्रातील पदवीशिक्षणानंतर संरक्षण संशोधन व विकास संस्थेत शास्त्रज्ञ म्हणून प्रवेशमिळवला. आकाश कवेत घेण्याची इच्छा असलेल्या कलाम यांनी त्यानंतर कधीही मागेवळून पाहिले नाही.नाविन्याची आस आणि हाती घेतलेले काम पूर्णकरण्याच्या चिकाटीमुळं कलाम यांनी वैज्ञानिक जगतात स्वत:ची एक ओळख निर्माणकेली. भारताच्या क्षेपणास्त्र विकास कार्यक्रमात त्यांचे मोलाचे योगदानहोते. त्यांच्या या कामामुळं ते भारताचे 'मिसाइल मॅनम्हणून ओळखले जाऊलागले होते. कुठल्याही राजकीय पक्षाशी बांधिलकी नसतानाही २००२ साली कलामदेशाचे ११वे राष्ट्रपती म्हणून निवडून आले. देशाच्या सर्वोच्च पदी बसलेलानावाड्याचा हा पोर एका अर्थानं देशाचा 'कॅप्टनझाला होता. देशाच्याकर्णधारपदाची ही जबाबदारीही कलाम यांनी समर्थपणं पेलली. राष्ट्रपती पदावरविराजमान होऊनही त्यांच्या वागण्यात कधीही बडेजाव नव्हता. अत्यंत साधेसरळआणि सर्वच स्तरांतील लोकांमध्ये सहज मिसळून जाणारे कलाम हे भारताचे सर्वातलोकप्रिय राष्ट्रपती म्हणून ओळखले जात होते.हाडाचा शिक्षकप्रेरक कृतीशील


डॉ. कलाम हे हाडाचे शिक्षक होते. शास्त्रज्ञराष्ट्रपती असतानाहीशिक्षकाची भूमिका त्यांनी कधीही सोडली नाही. राष्ट्रपती असताना देशभरातीलशाळाविद्यापीठे व शिक्षणसंस्थांमध्ये विद्यार्थ्यांना मार्गदर्शनकरण्यासाठी ते सतत भ्रमंती करत राहायचे. कलाम यांना ऐकण्यासाठीशाळा-कॉलेजांमध्ये विद्यार्थ्यांची अक्षरश: झुंबड उडायची. कलाम काय बोलतातयाकडं विद्यार्थीच नव्हेतर देशभरातील'जिज्ञासूजगतकायम कान लावूनअसायचे. त्यांच्यातील अभ्यासू शिक्षकाला व योग्य मार्गदर्शकाला मिळणारी हीएक पोचपावतीच होती. राष्ट्रपती पदावरून पायउतार झाल्यानंतरही कलाम हेदेशातील नामांकित विद्यापीठांत मानद प्राध्यापक म्हणून कार्यरत होते. तेकेवळ व्याख्यानं देऊन थांबणाऱ्यांपैकी नव्हते. तर कृतीतून प्रेरणा देणारेकृतीशील होते. याच जाणिवेतून २०१२ साली त्यांनी देशातील तरुण वर्गासाठी 'व्हॉट कॅन आय गिव्हही चळवळ सुरू केली होती. भ्रष्टाचार निर्मूलन हा याचळवळीचा गाभा होता. या चळवळीच्या माध्यमातून त्यांनी तरुणांनाभ्रष्टाचारविरोधात लढण्याची प्रेरणा दिली होती. असा हा प्रेमळ आणि प्रेरकशिक्षक कायमचा हरपल्यानं देशातील विद्यार्थीजगत शोकसागरात बुडाले आहे.

महाराष्ट्र दिन आणि 'भैरव ते भैरवी" कार्यक्रम

नमस्कार, महाराष्ट्र मंडळाचा महाराष्ट्र दिनाचा कालचा कार्यक्रम म्हणजे एक अविस्मरणीय अनुभव होता. अतिशय दर्जेदार कलाकारांनी एकत्र येउन 'भैरव ते भैरवी' हा एक उत्कृष्ठ कार्यक्रम सादर केला. महाराष्ट्र मंडळासाठी अल मुल्ला एक्स्चेंज ने प्रायोजित केलेला हा सलग सातवा कार्यक्रम प्रेक्षकांच्या पसंतीस उतरला. दिवस - रात्रीचा , निसर्ग चक्राचा शास्त्रीय संगीतातल्या रागांशी असलेला संबंध आणि आयुष्याचा प्रवास याची उत्तम सांगड घालत भैरवापासून सुरु झालेला हा प्रवास प्रत्येक वळणाचा आस्वाद घेत शेवटच्या भैरवीवर येउन विसावला. खूप काही शिकवून गेला हा प्रवास.… मुक्त स्वच्छंदी आस्वाद घ्यायला … अंतर्मुख व्हायला … कुठल्याही विचारांच्या चौकटीत न अडकता थेट मनाला भिडणाऱ्या स्वरांचा आनंद उपभोगायला !! श्रोत्यांच्या नकळत शास्त्रीय संगीताचे सूर बंदिश, भावगीत, नाट्यगीत, भजन, गझल, भक्तीगीतांच्या सोनेरी वेष्ठणात इतक्या नजाकतीने बांधून सादर केले गेले की तीन- साडेतीन तास सर्व मंत्रमुग्ध होऊन ऐकत राहिले. "तेजोनिधी लोह गोल, भास्कर हे गगन राज" अशी सुरुवात करणाऱ्या पंडित विजय कोपरकर यांनी मारवा, भीमपलास, बागेश्री, यमन, तोडीच्या सुरांचा अक्षरशः पाणलोट काढला …. आणि आम्हा श्रोत्यांच्या मनाच्या गगनावर आपले राज्य प्रस्थापित केले. अतिशय साध्या सरळ सुरांनी मनाला अशी भुरळ घातली कि शास्त्रीय संगीतातल्या बंदिशिंनाही once more ऐकावेसे वाटले. त्यांची आयुष्यभराची साधना, तपःश्चर्या त्यांच्या गायकीतून प्रकट होत होती. सायली पानसे आणि दत्तप्रसाद रानडे यांनी उपशास्त्रीय आणि सुगम संगीताची बाजू सांभाळली. सायली पानसे यांचेही सुरांवरचे प्रभुत्व ठायी ठायी जाणवत होते. अतिशय ताकदीच्या या गायिकेने काल यमन, कलावती अक्षरशः जिवंत केले. 'छुपालो यूँ दिल में प्यार मेरा' म्हणताना सुरातली विनवणी भावली. दत्तप्रसाद रानडे यांनी भजन आणि सिनेमातील गीतांसोबतच उत्तम गझल सदर केल्या. गझल गायकीतलं त्याचं नैपुण्य आणि पकड नेमकी जाणवत होती. रसिकांनी त्यांच्या गायनाला भरभरून दाद दिली … onece more दिला. "अब तक दिल-ए-खुश फहाम को है तुझसे उम्मीदें, ये आखरी शम्में भी बुझाने के लिए आ। .... रंजिशें ही सही। " आणि मारवा रागावर आधारित "कोई दर, कोई दरीचा, कोई सायबा नहीं है। किसी दिलजले का घर है ये मेरा मकाँ नहीं हैं। " …. म्हणजे केवळ अप्रतीम ! व्हॉयलिन वर श्री राजेंद्र भावे यांनी कमाल केली. तबल्यावर श्री. प्रसाद जोशी आणि key board वर निनाद सोलापुरकर यांनी उत्तम साथ दिली तर उत्तम संगीत संयोजनाने श्री. आशिष मुजुमदार यांनी वाहवा मिळवली. आपल्या ओघवत्या शैलीत श्री. अमित वझे यांनी कार्यक्रमाचे सुरेख सूत्र संचालन केले. एक वेगळा आणि दर्जेदार कार्यक्रम देण्याचा समितीचा प्रयत्न आपल्या पसंतीस उतरला याचा आम्हाला खूप आनंद आहे. आपणा सर्वांच्या सहकार्यामुळे कार्यक्रम वेळेत सुरु झाला व शिस्तीत पार पडला. आयोजनात काही त्रुटी राहून गेल्या असल्यास क्षमस्व. धन्यवाद !! कार्यकारी समिती २०१५ महाराष्ट्र मंडळ, कुवेत रुजवू मराठी फुलवू मराठी...

Maharashtra Day Program

नमस्कार

महाराष्ट्रदिनानिमित्तमहाराष्ट्र मंडळ आणि अल मुल्ला एक्स्चेंज आपल्यासाठी घेऊनयेत आहेतकुवेत मध्ये प्रथमच, आंतरराष्ट्रीय स्तरावरनावाजलेला संगीताचा बहारदार कार्यक्रम'भैरव ते भैरवी"

तारीख : १ मे २०१५

स्थळ: भारतीय दूतावासाचे सभागृह 

रजिस्ट्रेशनची वेळ  : सकाळी ९:३० वाजता 

मुख्य कार्यक्रमाची वेळ : सकाळी १०:३० ते दुपारी २:००. (दूतावासाच्या नियमांनुसार कार्यक्रम वेळेतचसुरु होईल याची कृपया नोंद घ्यावी.)

गायक :पं. विजय कोपरकर, सौ. सायली पानसे - शेल्लीकेरीआणि श्री. दत्तप्रसाद रानडे 

संगीत संयोजन : श्री. आशिष मुजुमदार  

निवेदन: श्री. अमित वझे 

प्रतिभावानगायक, वादक आणि संयोजक यांचा हा संच आपल्याला मंत्रमुग्ध करण्यासाठी येतआहे. भावगीत, फिल्म संगीत, गझल, नाट्यगीतअभंग यांसह संगीताचे सर्व प्रकारसादर करत निखळ आनंदाची अनुभूती देणाऱ्या या  कार्यक्रमाचे जगभरात १०० पेक्षा जास्त प्रयोग झाले आहेत, तर एकट्या अमेरिकेतच याचे ३० च्या वर प्रयोगझाले आहेत (  १००% अमराठी प्रेक्षक असलेल्या कार्यक्रमांना ही standing ovation मिळालेले आहे ). समाजाच्या सर्व स्तरांतून पसंतीची उत्स्फूर्त दादमिळालेला हा अभिनव concept असलेला कार्यक्रम कुवेतकारांसाठी ही मेजवानीचठरेल. 

एक वेगळाआणिदर्जेदार कार्यक्रम आपल्यालादेण्याच्यासमितीच्या या प्रयत्नालाआपणसर्वजण उत्स्फूर्त  प्रतिसाद द्याल याची खात्री आहे.

धन्यवाद !

कार्यकारी समिती २०१५

महाराष्ट्र मंडळ, कुवेत 
रुजवू मराठी फुलवू मराठी...

Newsletter

Contact us

You are here: Home News